2026 жылдың 12 ақпанында Семей қаласындағы облыстық тарихи-өлкетану музейінің «Ерлік пен еңбек даңқы» бөлімінде «Ауған соғысы: біз көрген уақыт» атты кездесуі өтті. Іс-шара Кеңес әскерлерінің Ауғанстаннан шығарылғанына 37 жыл толуына арналып өткізілді.
1989 жылдың 15 ақпанында Кеңес әскерлері Ауғанстан территориясынан толық шықты, осылайша 10 жылдық соғыс әрекеттері аяқталды — 1979 жылдың желтоқсанынан 1989 жылдың ақпанына дейін. Осы соғысқа 620 мың Кеңес Одағының әскери қызметшісі қатысты, олардың ішінде 22 мыңнан астамы қазақстандықтар, соның ішінде біздің облысымыздан 1 100 солдат пен офицер болды. Әскери қимылдар барысында 44 семейлік қаза тапты, ал 2 адам із-түзсіз жоғалып кетті. Бүгінгі таңда Семей қаласында 400-ден астам ауған соғысының ардагері тұрады. Іс-шараның құрметті қонақтары болған ауған соғысының ардагерлері: Өміртаев Еділ Слямғазыұлы, Рысқалиев Қанат Советказыұлы және Байсеитов Қанабек Шакенұлы.
Геология-барлау және Электротехникалық колледждердің студенттері «Ауғанстан соғысының ардагерлері» атты экспозициямен танысты, онда Ауғанстанда әскери борышын өтегендердің өмірі туралы ақпараттар ұсынылды. Ұрыс алаңында қаза тапқан жауынгерлерге арнап, 1 минуттық үнсіздікпен еске алу рәсімі өткізілді. Ардагерлер қызмет жылдарынан естеліктерімен бөлісіп, өздерінің жауынгерлік наградалары мен соғыста қалай тірі қалғандары туралы айтты. Студенттер осы қиын кезеңдер туралы көптеген сұрақтар қойып, жауаптар алды, олар біздің еліміздің тарихының маңызды бір бөлігі болып табылатын сол жылдар туралы көп нәрсе білді.
