ГВАРДИЯЛЫҚ ДАҢҚ: 238/30 ДИВИЗИЯСЫНЫҢ ЕРЛІГІ

2026 жылдың 18 ақпанында музей қызметкерлері Игликова Ж.К. және Нұрғазина Н.А. № 3 жалпы орта білім беретін мектебіне «238/30 гвардиялық Қызыл Ту Ригалық атқыштар дивизиясы» атты көшпелі көрмемен барды.

Көрме 1941 жылғы 17 наурызда Қазақстанда құрылған 238-атқыштар дивизиясының жауынгерлік жолына арналды. Дивизия штабы Семей қаласында орналасты. 35 тәулік бойы дивизия жауынгерлері Москва қаласын қаһармандықпен қорғап, 1941 жылдың 15 желтоқсанында Алексин қаласы маңында қарсыласқа күйрете соққы берді. Көрсеткен ерлігі үшін дивизия Қызыл Ту орденімен марапатталып, 30-гвардиялық атқыштар дивизиясы болып қайта құрылды. Жауынгерлік жолын жалғастырған құрам Рига шығанағына дейін жетіп, Рига қаласын азат етті және «Ригалық» құрметті атағына ие болды.

Оқушылардың ерекше қызығушылығын түпнұсқа жәдігерлер тудырды: соғыс іздері қалған ауыр болат каскалар, майданнан келген үшбұрышты хаттар, соғыс рухымен тынысталған, сондай-ақ жауынгерлердің ерлігін сақтайтын басқа да бірегей жәдігерлер. Балалар тарихқа тікелей «қол жеткізіп», жауынгерлер қолданған заттарды көріп, майдан жылдарының атмосферасын сезінді. Көрме тек Ұлы Отан соғысы туралы білімді кеңейтумен шектелмей, патриоттыққа тәрбиелейді, Отан қорғаушылардың ерлігі мен батылдығына құрмет сезімін оятады және тарихи есте сақтауды болашақ ұрпаққа жеткізуге көмектеседі.

№3 орта мектебі аты аңызға айналған Сағадат Нұрмағамбетов есімі берілген көшеде орналасқан. Осыған байланысты оқушыларға Батыр туралы шағын деректі фильм көрсетілді.