ЕРЛІГІ ЕСКЕРІЛМЕЙ ҚАЛҒАН БАТЫРЛАР. ТҮСІПБАЕВ ТӘТТІБЕК (1915 – 02.05.1945)

Түсіпбаев Тәттібек 1915 жылы дүниеге келген. 1939 жылы Семей қазақ тілі және әдебиеті мұғалімдер институтын бітірген. Майданға 1941 жылдың желтоқсанында Жаңасемей аудандық әскери комиссариатымен шақырылды. Гвардия аға лейтенанты, атқыштар дивизиясының Суворов 64-ші Могилев орденінің 451-атқыштар полкінің 2-атқыштар батальонының командирінің саптық бөлімі жөніндегі орынбасары. Калинин, Орталық, 1 және 2 Беларусь майдандарында соғысқан. Ол екі рет жараланды – 1941 жылдың желтоқсанында және 1942 жылдың қазанында. Батальон бөлімшелерін ұрыс кезінде басқарудағы батылдығы, тапқырлығы мен шеберлігі үшін І дәрежелі Отан соғысы орденіне ұсынылған. 1945 жылы 24 сәуірде Берлин маңындағы Бризен ауылын азат ету үшін болған шабуылда Т.Түсіпбаев 6-шы атқыштар ротасының шабуыл учаскесінде шайқасты басқарды. Ұрысты дұрыс ұйымдастырудың арқасында рота ауылға бірінші болып кіріп, жертөлелер мен шатырлардағы 10 пулемет есептеулерін, 2 зениттік зеңбіректі, өздігінен жүретін зеңбіректі жойды. 80-ге жуық неміс жойылды, 68 неміс солдаты мен офицері тұтқынға алынды. Сонымен қатар, жаудың олжалары алынды: 100 мм зеңбірек, 3 пулемет, 3 автомат, 60 мылтық және автомат. Тәттібек Түсіпбаев 1945 жылы 2 мамырда Берлин шайқасында Рейхстагқа шабул кезінде снайпердің оғынан қаза тапты Жеңіске 6-ақ күн қалғанда қаза болғаны өкінішті-ақ. Берлиннің Марцанг ауданындағы кеңестік жауынгерлік зиратта жерленген. Аға лейтенант Түсіпбаев Тәттібек Қызыл Жұлдыз орденімен және І дәрежелі Отан соғысы орденімен марапатталған. 2015 жылы ұрпақтары, туыстары арнайы Германияға арнайы сапармен барып, қабіріне естелік белгі мен суретін қойып, туған жерінің топырағын апарып, зиярат етіп қайтыпты. Бүгінде батырдың балаларында сақталған, адамгершіліктің терең түкпірінен тебіреніп шыққан, шын ниетпен жазылған жауынгер хаттары- майдан даласынан қалған ескерткіш. Ұлы Отан соғысы көптеген ұрпақтардың жүрегінде терең қайғылы із қалдырды, орны толмас қайғы әкелді. Семей қаласының облыстық тарихи-өлкетану музейінің Ерлік пен Еңбек даңқ бөлімінде «Ерлігі ескерілмей қалған батырлар» тақырыбында Түсіпбаев Тәттібекке арналған еске алу кеші өтті. Кеште Абай елі Шыңғыстау жерінің Батыр ұлы Түсіпбаев Тәттібек туралы «Жасындай жарқылдаған жарқын ғұмыр» кітабы тапсырылды. Кітап батыр атаның туған келіні, Еңбек ардагері, ақ халатты абзал жан Оңалия Бұланбаева ұзақ жылдар жинаған деректері мен естеліктері негізінде жазылған.

Біздің ата-бабаларымыздың басына түскен барлық ауыртпалықтар мен азаптарды елестету қиын. Бізге Ұлы Жеңіс әкелген, сол қорқынышты қанды соғыста қаза тапқан және аман қалған батырлардың өлмес ерлігіне бас иеміз.